Umhverfismál

Mikilvægt svið útináms eru umhverfismálin og við sem viljum efla útinám þurfum að vera meðvituð um stöðu mála hér á landi. Nýleg vísindaskýrsla um áhrif loftslagsbreytinga hér á landi og kynningarmyndband um hana hafa nú verið gerð aðgengileg á slóðinni www.umhverfisraduneyti.is/visindaskyrsla2008. Í skýrslunni er að finna mikinn fróðleik sem á brýnt erindi við okkur.

Skilgreiningar á útinámi
Þegar rýnt er í skilgreiningar á útinámi þá byggja sumar skilgreiningar á umhverfislegu sjónarhorni. Sem dæmi má nefna:

Útinám er...
nám fyrir, um og í náttúrunni.
                     - Donaldson, G., og Donaldson 1958

Útinám er...
aðferð byggð á reynslunni af að takast á við viðfangsefni í náttúrulegu umhverfi.  Í útinámi eru aðalviðfangsefni námsins TENGSL; tengsl mannsins við auðlindir í manninum og náttúrunni.
                    - Priest, 1986

Útinám er...
aðferð við að upplifa og læra öllum skynfærunum.  Það gerist fyrst og fremst, en þó ekki eingöngu, í snertingu við náttúrulegt umhverfi.
                    - Priest, 1990

Útinám er...
að fara út í hið náttúrulega umhverfi, læra um náttúruna og læra að virða hana.
                    - Ketchie, n.d

Útinám er...
námsaðferð sem byggir á upplifunum og reynslu, og tekur til allra skilningarvitanna.  Aðferðin á sér fyrst og fremst stað, þó ekki eingöngu, í náttúrulegu umhverfi og í snertingu við það.  Í útinámi er námsaðaláherslan lögð á tengslin milli mannsins og umhverfisins.
                     - Lund, 2002

Útinám er...
alþjóðleg námsaðferð byggð á upplifunum, sem brýnir fólk til þátttöku í ævintýraverkefnum til að ýta undir vellíðan einstaklinga, samfélags og umhverfis.
                     - Neill, James, 2002

Útinám er...
leið til að nálgast menntunarleg markmið með beinni reynslu af umhverfinu þar sem auðlindir náttúrunnar eru námsefnið.
                      - Institute for Outdoor Learning (Hunt, 1989:17)

Þýtt af vefsíðunni: http://wilderdom.com/definitions/definitions.html